ANG ALPABETONG AT PATNUBAY SA ISPELING NG WIKANG FILIPINO

 

Ang paglinang at pagpapaunlad sa wika ay maisagawa ng paaralan sa pamamagitan ng dalawang prinsipal na paraan. Sa pamamagitan ng pagtuturo ng panitikan at balarila nito. Naging kalakaran sa pagtuturo ang paglangkapin, lali na sa mababang paaralan at hayskul, ang pagtuturo ng panitikan at ng balarila dahil sa paniniwalang sa gayong paraan ay maituturo ang balarila ng wika sa paraang natural at kawili-wili.

 

Ang blog na ito ay nagbibigay ng mga kaalaman tungkol sa sabjek ng sining ng komunikasyon at ng malikhaing pagsulat. Makatutulong ito sa mga estudyante at guro ng Filipino. Ang mga kaalamang ito ay hango sa Makabagong Balarila sa Filipino.

 

Ang Alpabetong Filipino

                Ang alpabetong Filipino ay binubuo ng 28 letra na ang ayos ay ganito:

                    A, B, C, D, E, F, G, H, I, J, K, L, M, N, O, P, Q, R, S, T, U, V, W, X, Y, Z

            Sa 28-letrang alpabeto, ang letrang orihinal na abakada: A, B, K, D, E, G, H, I, L, M, N, NG, O, P, R, S, T, U, W, Y ay ginagamit sa mga karaniwang salitang tinanggap o naasimila na sa bokabularyo o talasalitaan ng wikang pambasa.

Halimbawa:

                banyo  (baño)                                    trak (truck)

                bintana (ventana)                                nars (nurse)

        Ang Pagbasa ng mga Letra. Ang tawag sa mga letra ng alpabetong Filipino ay ayon sa bigkas-Ingles ng mga Pilipino maliban sa ñ (enye) na tawag-Kastila

            

                A                        B        C           D                E

               /ey/                    /bi/      /si/         /di/             /i/

                F                        G          H          I                  J

              /ef/                     /dzi/    /eyts/      /ay/           /dzey/      

               K                         L        M            N               Ñ    

              /key/                   /el/        /em/       /en/         /enye/

                NG                    O            P            Q             R

             /endzi/                  /o/           / pi/     /kyu /       /ar/

                S                       T               U        V            W

               /es/                     /ti/         /yu/       /vi/      /dobol yu/

                X                        Y            Z

                /eks/                /way/        /zi/

Mga Tuntuning Panlahat

 

   Pagbigkas na Pagbaybay

 

     Ang pabigkas o pasalitang pagbaybay sa  Filipino ay panitik at hindi papantig. Ang ispeling o pagbaybay ay isa-isang pagbigkas sa maayos na pagkakasunud-sunod ng mga letrang bumubuo sa isang salita, pantig, daglat, akronim, inisyal, simbolong pang-agham, atb.

 

                    Halimbawa:

                             Salita         boto                    = /bi-o-ti-o/

                                               plato                  = /pi-el-ey-en-o/

                                               Fajardo              = /kapital ef-ey-dzey-ey-ar-di-o/

                                               xerox                  =/eks-ey-ar-o-eks/

                             Pantig         kon                    =/key-o-en/

                                                 trans                 =/ti-ar-ey-en-es/

                             Daglat        Bb    Binibini       =/kapital bi-bi/

                                                G.     Ginoo        =/kapital dzi/

                                              Gng.   Ginang      =/kapital dzi-endzi/

                                                Dr.      Doktor      = /kapital di-ar/

                             Akronim    

                                     GAT             (Galian sa Arte at Tula)             = /dzi/ey-ti/

                                     LIRA         (Lirika, Imahen, Retorika at Arte)    = /el-ay-ar-ey/

                             PANDAYLIPI  (Pandayan ng Literaturang Filipino) 

                                                                   = /pi-ey-en-di-ey-way-el-ay-pi-ay/

                        Inisyal ng Tao   MLQ     (Manuel L. Quezon)         = /em-el-ar/

                                                MAR     (Manuel A. Roxas)            = /em-ey-ar/

                                                 CPR     (Carlos P. Romulo)           = /si-pi-ar/

                        Inisyal ng Samahan/Paaralan  (Pambansang Samahan ng Linggwistikang Filipino)    

                                                           =/pi-es-el-ef/

                                               KBP    (Kapisanan ng mga Brodkaster sa Pilipinas )

                                                           = /key-bi-pi/

                                               UP      (Unibersidad ng Pilipinas)

                                                        = /yu-pi/

                                        PLM          (Pamantasan ng Lungsod ng Maynila)

                                                        =/pi-el-em/

                      Simbolong Pang-agham              

                                                       Fe             =/ef-i/

                                                       H2O         = /eyts-tu-o/

                                                       C              = /si/

                                                       NaCl        =/en-ey-si-el/

 

             Pagsulat na Pagbaybay

                        

                        Mananatili sa pagsulat at pagbasa ng mga karaniwang salita ang isa-sa-isang tumbasan ng letra at ng makabuluhang tunog na ang ibig sabihin, isa lamang ang tunog na ang ibig sabihin, isa lamang ang tunog sa pagbigkaks ng bawat letra kapag naging bahagi ng mga karaniwang salita. 

 

                    a. Sa pagsulat ng mga katutubong salita at mga hiram na karaniwang salita na naasimila na sa sistema ng pagbaybay sa wikang pambansa ay susundin pa rin                     kung ano ang bigkas ay siyag sulat at kung ano ang sulat ay siyang basa.

            

                    halimbawa: 

                                bapor (v)                                bangko (n,c)

                                sentro (c)                                kotse (c, ch)

                                kahon (c,j)                                kalye (c,ll)

                                senyas (ñ)                                panatiko (f,c)

                    b. ang dagdag na walong  (8) letra- C, F, J, Ñ, Q, V, X, Z- ay ginagamit sa mga:

                        1. Pantanging Ngalan

 

                                    Halimbawa:

 

                                               Tao                                   Lugar

                                           Carmelito                           Canada

                                           Conchita                            Luzon

                                            Quirino                              Visayas

                                            Exequeil                            San Fernando

                                            

                                              Gusali                                 Sasakyan 

                                            Ablaza Bldg.                            Victory Liner

                                            Certeza Bldg.                           Qantas Airlines

                                            State Condominium                  Doña Monserratt

                        2. Salitang katutubo mula sa ibang wika sa Pilipinas

                                

                                    Halimbawa: 

                                                  cañao     (panseremonyang sayaw ng mga Igorot)

                                                  hadji       (lalaking Muslim na nakarating sa Mecca)

                                                  masjid     (moske, pook dalanginan)

                 vakul     (panakip sa ulo bilang pananggalang sa ulan at init ng araw)

                                                  ifun        (pinakamaliit na banak)

                                                  azan      (unang panawagan sa pagdarasal)

 

                    Panumbas sa mga Hiram na Salita

                                        Sa paghahanap ng panumbas sa mga hiram na salita buhat sa wikang Ingles, maaring sundin ang mga sumusunod na paraan:

 

                                    a. Ang unang pinagkukunan ng mga salitang maaaring   itumbas ay ang leksiyon ng kasalukuyang Filipino.

 

                                        Halimbawa: 

                                                    Hiram na salita                                 Filipino

                                                            rule                                           tuntunin

                                                            ability                                        kakayahan

                                                            skill                                            kasanayan

                                                            east                                           silangan

                                                            west                                           kanluran

                                    b. Maaaring kumuha o gumamit ng mga salitang mula sa ibang katutubong wika ng bansa.        

                                            Halimbawa:

                                                                pinagkbet                bana

                                                                 dinendeng              imam

                                                                  cañao                      hadji

                                     c. Sa paghihiram ng salita na may katumbas sa Ingles at sa Kastila, unang preperensya ang hiram sa Kastila. Iniaayon sa bigkas ng salitang Kastila ang pagbaybay sa Filipino.    

                                           Halimbawa: 

                                                         Ingles                   Kastila                 Filipino

                                                        check                        cheque                tseke

                                                          liter                            litro                    litro

                                                        liquid                           liquido                likido

                                                        education                    educacion       edukasyon

                                       d. Kung walang katumbas sa Kastila o kung mayroon man ay                                                    maaring hindi maunawaan na nakararami, hiramin nang tuwiran ang                                             katawagang Ingles at baybayin ito ayon sa mga sumusunod na                                                     paraan:

 

                                        1. Kung konsistent ang baybayin ng salita, hiramin ito nang walang                                                 pagbabago. 

                                               Halimbawa: 

                                                    Salitang Ingles                            Filipino

                                                        reporter                                 reporter

                                                        editor                                        editor

                                                         soprano                                    soprano

                                                         alto                                            alto

                                                         salami                                        salami

                                                         memorandum                            memorandum

                                        2. Kung hindi konsistent ang baybay ng salita, hiramin ito at                                                         baybayin nang konsistent, ayon sa simulaing kung ang bigkas ay                                                 siyang sulat at kung ano ang sulat ay siyang basa.

                                                Halimbawa: 

                                                        Salitang Ingles                        Filipino

                                                            control                                    kontrol

                                                            meeting                                   miting

                                                            leader                                      lider

                                                             teacher                                   titser

                                                              truck                                       trak

                                                              nurse                                      nars

                                                              score                                       iskor

                                                               linguist                                    linggwist            

                    Ang Pantig

                            Ang pantig ay isang saltik ng dila o walang antalang bugso ng tinig sa                                         pagbigkas nito. Ang bawat bigkas ng bibig ay lagging may isang patinig.

                                Halimbawa:

                                                a-ko sam-bot

                                                i-i-wan mag-a-a-ral

                                                it-log ma-a-a-ri

                            Dahil sa pagkaasimila sa talasalitaan ng wikang Pambansa ng mga hiram                                 na salita, ang dating apat na kayarian o kaanyuan ng pantig ay naragdagan                             ng lima, kung kayat sa kasalukuyan ay may siyam na kayarian na ng pantig.

                            Sa mga halimbawang sumusunod, ang pantig ay tinutukoy ayon sa kayarian                             nito. Ang pagtukoy sa pantig, gayundin sa kayarian nito, ay sa pamamagitan                             ng paggamit ng simbolo: K para sa katinig, P para sa patinig.

                     Tradisyunal na Kayarian

                                               Halimbawa

                                                           P                 u-pa

                                                          KP                ma-li       

                                                           PK              is-da

                                                          KPK            han-da

                        Karagdagang Kayarian

                                                Halimbawa

                                                            KKP                     pri-to

                                                            PKK                      eks-perto

                                                            KKPK                    plan-tsa

                                                            KPKK                     kard

                                                            KKPKK                  trans-kripsyon

                    a. Ang Pagpapantig

                                Ang pagpapantig ay paraan ng paghahati ng salita sa pantig o mga                                             pantig.

                                        1. Kapag may magkasunod na dalawa o higit pang patinig sa                                             posisyong inisyal, midyal at pinal ng salita, ito ay hiwalay na mga pantig.

                                    Halimbawa:

                                                    Salita Mga Pantig

                                                        aalis                          a-a-lis

                                                        maaga                      ma-a-ga

                                                                     totoo                                 to-to-o

                2. Kapag may mga katinig na magkasunod sa loob ng:

                    a. katutubong salita, ang una ay kasama sa patinig na sinusundan at ang                             pangalawa ay sa patinig na kasunod.

                Halimbawa:

                                          Salita Mga Pantig

                                                             buksan buk-san

                                                            pinto pin-to

                                                            tuktok tuk-tok

                                                            pantig pan-tig

                   b. hiram na salitang naasimila sa talasalitaang Filipino:

                1. na may magkasunod na dalawang katinig ay karaniwang kasama sa kasunod na                         patinig.

                        Halimbawa:

                                        Salita Mga Pantig

                                                    sobre so-bre

                                                   kopya ko-pya

                                                   kapre ka-pre

                                                    tokwa to-kwa

               2. na may tatlog katinig na magkasunod, ang unang dalawa ay kasama sa patinig na                 sinusundan at ang huli ay sa patinig na kasunod.

                        Halimbawa:

                                Salita Mga Pantig

                                    eksperto eks-per-to

                                    transportasyon trans-por-ta-syon

                                    eksperimento eks-pe-ri-men-to

                       Pansinin. Kapag ang una sa tatlong magkakasunod na katinig ay m o n at ang                         kasunod na dalawa ay bl, br, dr, pl , tr ang unang katinig (m o n) ay sa                                        sinusundang patinig kasama at ang huling dalawa ay sa kasunod na patinig.

                                Halimbawa

                                        Salita Mga Pantig

                                        asambleya a-sam-ble-ya

                                        alambre a-lam-bre

                                        balandra ba-lan-dra

                                        simple sim-ple

                                        imprenta im-pren-ta

                    3. na may apat na katinig na magkasunod, ang unang dalawa ay kasama sa                               patinig na sinusundan at ang huling dalawa ay sa patinig na kasunod

                                        Halimbawa

                                        Salita Mga Pantig

                                            ekstra eks-tra

                                            ekstradisyo eks-tra-di-syon

                                            eksklusibo eks-klu-si-bo

                                            transkripsyon trans-krip-syon

                            b. Ang Pag-uulit ng Pantig

                        Ang mga tuntuning sinusunod sap ag-uulit ng pantig ay:

                                1. Kung ang unang tunog ng salitang-ugat o batayang salita ay patinig,                                         ang patinig lamang ang inuulit.

                            Halimbawa:

                                                a-lis a-a-lis

                                                i-wan i-i-wan

                                                am-bon a-am-bon

                                               ak-yat a-ak-yat

                                               eks-tra e-eks-tra

                                Ang tuntunin ding ito ang sinusunod kahit may unlapi ang salita

                                    Halimbawa:

                                         mag-aalis mag-a-a-lis

                                         maiwan ma-i-i-wan

                                        mag-akyat mag-a-ak-yat

                                2. Kung ang unang pantig ng salitang-ugat o batayang salita ya                                                 nagsisimula sa katinig-patinig, ang katinig at ang kasunod na patinig                                         lamang ang inuulit.

                                                    Halimbawa:

                                                            ba-sa ba-ba-sa mag-ba-ba-sa

                                                            la-kad la-la-kad ni-la-la-kad

                                                            lun-dag lu-lun-dag nag-lu-lu-lundag

                                                            tak-bo ta-tak-bo ma-ta-tak-bo

                                3. kung ang unang pantig ng salitang-ugat o batayang salita ay may                                             klister na katinig, dalawang paraan ang maaaring gamitin. Ito ay batay                                         sa kinagawian ng nagsasalita.

                                    a. Inuulit lamang ang naunang katinig at patinig

                                                    Halimbawa:

                                                                plan-tsa prito

                                                                pa-plan-tsa-hin pri-pri-tu-hin

                                                                mag-pa-plan-tsa-hin mag-pi-pri-to

                          Ang Gamit ng Kudlit

                        Ginagamit ang kudlit (‘) bilang kapalit o kung kumakatawan sa letra o mga                                 letrang nawawala kapag ang pang-ugnay o pananda sa pagitan ng dalawang                         salita ay ikinakabit sa unang salita.

                                    Halimbawa:

                                        tuwa at hapis tuwa’t hapis

                                        paniwala at paninindigan paniwala’t paninindigan

                                        ama at ina ama’t ina

                                       wika at panitikan wika’t panitikan

 Bloggers:

            Julius G. Blazo

            Romel Q. Embay

            Khrysly Mae Nadal

            Cristy T. Piquero